فوقى يا حكومه و أصحى بقى من الغيبوبه اللى انتى فيها دى

السلام عليكم

بعد الصلاه والسلام على اشرف الخلق

تحيه لكل من نور الموضوع بزيارته المشرفه

الموضوع هدفه زى ما مكتوب فى العنوان بالظبط

بقول فوقى يا حكومه و أصحى بقى من الغيبوبه اللى انتى فيها دى

كفايه بقى اوى لحد كده احنا فاض بينا وتعبنا .. وقرفنا

ايوه قرفنا منك ومن اللى ممشيكى ومن اللى بيحكمك

اخواتنا هتضيع ومعدتش فى ثقه فى اى بنى ادم جمبنا

ايه اللى بيحصل ده بقى
خطف اطفال ودبح بشر وكل ده علشان الفلوس

ياخى احــ...........

نقول ايه بس

ربنا يحفظنا

ومش هاقول مش هاطول عليكم

لانى فعلا هاطول عليكم

انا طبعا بوجهه الكلام للحكومه مش ليك انت

وبقولك اصحى بقى .. وبطلى بلطجه ع الخلق الغلبانه

وشوفى شغلك مع اللى بيخربوها

ومش مكفيهم يخربوا البلد

لآ . دول عاوزين يخلصوا على شعبها

وانتوا فين ... انتوا فى غيبوبه

غيبوبه ابديه ومش عارف هتفوقوا امتا
هتفوقوا لما البلد تخلص ... صح ؟

خطف اطفال .. اطفال ايه معدتش وقت لتذويق كلام
خطف عيال صغيره , ودبحهم ,, ويفضوا بطنهم , علشان الفلوس , علشان البنكنوت

الحق مش عليهم , الحق على اللى مش عارف يلمهم

شاطرين فى البلطجه ع الخلق التعبانه الغلبانه

امشوا لموا فى الشباب من الشوارع بحجه التحرى

ارموهم فى الحبس لحد ما الكاشات تطلع وبعدين تطلعوهم

طيب امشوا شوفوا شغلكم الصح , وبدال ماتبهدلوا الناس الغلبانه
احموا ولادهم اللى كل يوم يتخطفوا

ربنا يحرق قلبكم وقلب اللى بيحكمكم قد ماتحرق قلب كل ام على ابنها البرئ

1-

ام قاعده عند الدكتور علشان تكشف على إبنها المسكين التعبان
تيجى واحده لابسه النقاب , لا ولازم تلبس النقاب ,, الايمان واخد وعاطى اوى ربنا ياخدها هى واللى خلفوها
وشايله عيل صغير المفروض انه نايم , تديه للأم المسكينه وتقولها خليه معاكى على بال مانزل اشترى حاجه وارجع .. وعلشان ماتتعبيش هاتى ابنك معايا واهو يسلينى
ولما اسم ابنها يتنده عليه علشان ياخد دوره فى الكشف
امه تدخل وتقوله معلشى ثوانى اصل حصل كدا كدا كدا
الدكتور شاف الواد اللى معاها شك فيه
بيشوف الواد يلاقي بطنه فاضيه .. بتنش ,, صحرا جوا
ايه ده ؟؟ والنبى حد يقولى ايه ده ؟

2-

بياع سمك بيجرى على اكل عيشه فى السوق
تيجى واحده عامله نفسها من ولاد الاكابر
تقوله اوزنلى 2 كيلو من ده على ماعرفشى كام كيلوا من ده وبتاع
وبعد مايخلص تقوله خليهم بقى عندك وخلى الاكياس دى كمان معاهم على بال ماجيب حاجه واجى
ساعه . اتنين . تلاته . اربعه .. والبعيده اللهى ماتشوف مكسب فى حياتها يارب , ماجتش لسه ..
الراجل بيقول للبت اللى شغاله معاه شوفى الشنط اللى سايباها جايز فى اى حاجه تدل عليها خلينا نرجعلها حاجتها ونقفل
البت تفتح الشنط بتاعتها , طبعا مش بتاعت السمك يعنى
تلاقى تلت روس عيال صغيره
فجر مالوش حدود
الراجل ياخد الكيس ويجيلكم ياحكومه علشان يبلغ .. تحبسوه
وبقى متهم وقاتل وابن كلب والله اعلم ايه مصيره دلوقتى

كفايه كده ولا اقول كمان
اظن كفايه كده بقى علشان لو فتحت هافتح فيكم انتم

احمونا .. دانتوا فى خدمتنا
احمونا دانتوا شغالين عندنا
بتنهبونا ضرايب وغرامات ومخالفات
ردولنا حاجه قصاد الفلوس اللى بتنهبوها دى

ولا نحمى نفسنا بنفسنا يعنى

بس ازاى نحمى نفسنا
نعلم امهاتنا ازاى تمسك طبنجه
ونعلم اخواتنا الصغيريين ازاى يشيلوا مطاوى

ما هى مش هتمشى غير كده بقى
هتمشى كده لحد انتوا ماتفوقوا من الغيبوبه اللى انتوا فيها دى

دانتوا حتى لو اطلب منكم مساعده بالتليفون
بتنفضوا ..

1-

واحد عامل حادثه ع الطريق وطالب الشرطه
البيه الشرطى بتاع الحكومه : اسمك ايه ؟ وعنوانك ؟ ورقم تليفونك .؟ بكل برود اعصاب

اللى عامل حادثه : هيعمل ايه ياعينى , مضطر يرد وجاوب على كل سؤال اتسأل

البيه الشرطى بتاع الحكومه : قولنا ايه اللى حصل بالظبط ؟ بكل رخامه وتناحه

اللى عامل حادثه : ربنا يحفظه ويثبته رد عليه برده

البيه الشرطى بتاع الحكومه : بس حضرتك مكان الحادثه خارج المركز اللى احنا فيه

وده يترد عليه بقى ويتقاله ايه , هى حكومه غير الحكومه يعنى

هيخس بروح امه لما يجيب بوكس من اللى بيمشوا بيه ويبلطجوا ع الناس ويروحله
ولا يعنى المركز اللى هو فيه بتاع الاعداء

انا مش هاتكلم ولا هاحكى حاجه تانيه

انا هاقول فوقى بقى

اصحى بقى من الغيبوبه دى

ولا هاتستنوا لما نخلص وننقرض

واكيد ده حلمكم يعنى

البلد تفضى وتبقى بتاعتكم لوحدكم

ومش لوحدكم اوى يعنى , طبعا الأكابر واللى ناهبينها معاكم

حسوا على دمكم بقى وفوقوا , منكوا لله
والله حسابكم عسير

» صور البنوته اللى فازت باحلى ابتسامه
» الاغنية اللى بتفكرك بحبيبك او حبيبتك ... ياترى ايه هى ؟؟؟
» تخيلوا لو البنات هيا اللى تخطب الشباب ................ تعالوا نشووووووووووف